OPEN Talk 12: Wikang Filipino sa Panahon ng Internasyonalisasyon ng Edukasyon

Bilang pagdiriwang ng Buwan ng Wika, tatalakayin sa OPEN Talk ang tungkol sa wikang Filipino sa konteksto ng internasyonalisasyon ng edukasyon. Kasama sa pag-uusapan ang kahalagahan ng pagtuturo at pagkatuto ng wikang pambansa sa panahon na ito ng internasyonalisasyon at “borderless learning”. Malaki nga ba ang epekto nito sa pagpapayabong ng paggamit ng wikang pambansa? Dahilan nga ba ang mga ito kung bakit marami na ang nahihirapan na magsalita, magsulat, at magbasa sa wikang Filipino? Ilan lamang ito sa mga paksang pag-uusapan sa episode na ito ng OPEN Talk, na nabuo sa tulong ng EDUKussion ng Faculty of Education, UP Open University.

Ang mga panauhing tagapagsalita ay ang mga sumusunod:

• Assoc. Prof. Dr. Gerard P. Concepcion, Departamento ng Filipino at Panitikan ng Pilipinas, Kolehiyo ng Arte at Literatura, UP Diliman
• Asst. Prof. Deborrah S. Anastacio, Departamento ng Filipino, Kolehiyo ng Malalayang Sining, Pamantasang De La Salle

Ang tagapagdaloy ay si Dr. Jayson de Guzman Petras na taga UP Diliman bilang Katuwang na Dekano para sa Pananaliksik, Malikhaing Akda, at Publikasyon, Kolehiyo ng Arte at Literatura, at bilang Katuwang na Propesor, Departamento ng Filipino at Panitikan ng Pilipinas. Isa din siyang Affiliate Faculty sa Faculty of Education ng UP Open University.

Ang live na diskusyon ay magaganap sa 18 Agosto 2021, mula 6:00 pm hanggang 7:00 pm, at mapapanood sa networks.upou.edu.ph/opentalk at sa https://www.facebook.com/UPOpenUniversityNetworks

#UPOpenUniversity

50 minutes ago

LOOK: UPCAT 2026 will be administered this Saturday and Sunday, 02 and 03 August 2025, in 117 testing centers across the Philippines. See below for the complete list of venues per city or town. Your exam details are indicated in your test permit, which can be downloaded from the application portal at upcat2026online.up.edu.ph/.You are strongly encouraged to visit your test venue before the day of your exam and arrive early prior to the call time as to avoid being late.Please note that the DAGUPAN CITY, PANGASINAN testing center has been changed to LINGAYEN, PANGASINAN due to the recent weather. Please wait for our email for when you can download your updated test permit.#UPCAT ... See MoreSee Less
View on Facebook
Twitter feed is not available at the moment.